वैशाख ८, विराटनगर –
विराटनगरको विभिन्न सडक पेटिमा बस्ने घरबारविहिन , गरिब तथा मजदुरहरुलाई युवाहरुको टिमले बेलुकाको पनि खाना खुवाउँदै आएका छन्। लकडाउनका कारण समस्यामा परेका विपन्न तथा दैनिक गुजारा चलाउने मजदुरहरुलाई विराटनगरमा सामाजिक कार्यमा सक्रिय युवाहरुको समूहले खाना खुवाउदै आएका हुन् ।
विगत २० दिनदेखि निरन्तर उनिहरुले सडक पेटिमा बसेकाहरुलाई खाना खुवाईरहेका छन् । श्रीकृष्ण पार्टी प्यालेसमा बेलुकाको खाना बनाउँछन् र युवाहरूको समुहले विभिन्न सडक पेटिमा बस्ने मजदुरहरुलाई खाना वितरण गर्दै आएका छ्न् । खाना खुवाउनका लागि विभिन्न व्यक्तिहरुले सहयोग गर्ने गरेको अभियानमा सक्रिय युवा मिङमा तामाङले जानकारी दिए। सडकमा भेटिएका गरिब तथा बिपन्न परिवारको लागि यो समुहले हात धुन लगाउने, सेनीटाइजर लगाइदिने र खाना दिने गरेको तामाङले बताए ।
युवाहरु रोनिस लामा, मिङमा तामाङ ,कृस्चल आले मगर, मनोज घिमिरे , सनिस गोपाली, बिसान्त श्रेष्ठ , दिपेस कट्बाल, राजेस खड्का, बिबेक श्रेष्ठ लगायत बेलुकाको खाना खुवाउन सक्रिय छन्। युवाहरुले दुई टिममा बाँडिएर बिहान बेलुकाकै खाना खुवाउँदै आएका छन्। बिगत २१ दिनदेखि ओसिम आलम, पेरिस सुवेदी लगायतको टिमले विहानको खाना खुवाउँदै आएका छन्।
विराटनगरमा बिगत २१ दिनदेखि बिहान र बेलुका गरेर ३२ सय बढीलाई निःशूल्क खाना खुवाएको समुहका युवा अभियन्ता पेरिस सुबेदीले बताए । सामाजिक दुरी कायम गरेर खाना ख्वाउने अभियान संचालन गरिएको छ ।
