अध्यक्षद्वय ओलि र प्रचण्डले सुरु गरे सांसदहरुसँग छलफल

वैशाख १०, काठमाडौ –
प्रधानमन्त्री एवम् नेपाल कम्युनिष्ट पार्टी (नेकपा) का अध्यक्ष केपी शर्मा ओली र कार्यकारी अध्यक्ष पुष्पकमल दाहालले संघीय सांसदहरुसँग छलफल सुरु गरेका छन् ।

दुई अध्यक्षले मन्त्रिपरिषदबाट आएको अध्यादेश र कोरोना महामारीबारे संघीय सांसदहरुसँग छलफल सुरु गरेका हुन्। सुदूरपश्चिम प्रदेशका सांसदहरुबाट छलफल शुरु भएको छ । सुदूरपश्चिम पछि प्रदेश नम्बर एक, बागमती हुँदै सातै प्रदेशका नेकपाका सांसदहरुसँग प्रधानमन्त्री ओली र अध्यक्ष दाहालले छलफल गर्नेछन् । छलफलमा प्रधानमन्त्री ओलीले अध्यादेश पार्टी विभाजन गर्ने उद्देश्यले नआएको जवाफ दिएका छन् ।

नेकपा स्थापना दिवसका अवसरमा शुरु भएको छलफल बुधबार नसकिए विहीबार समेत चल्नेछ । दल विभाजनबारे खुकुलो प्रावधान सहित सोमबार अध्यादेश जारी भएपछि नेकपा सहित राष्ट्रिय राजनीति तरंगित बनेको छ ।