कोरोना भाइरसलाई ७ लाख भन्दा बढिले जिते, यस्तो छ पछिल्लो अवस्था

वैशाख ११, विराटनगर –
विश्वव्यापी रुपमा फैलिएकाे काेराेना भाइरस (काेभिड १९) बाट सङ्क्रमित भएकामध्ये सात लाखभन्दा धेरै उपचारपछि निको भएका छन् ।

दुई सय १० देश र दुई वटा अन्तर्राष्ट्रिय पानी जहाजमा भाइरस फैलिँदा सङ्क्रमितको सङ्ख्या २६ लाख ३३ हजार नाघेकाे छ । जसमध्ये सात लाख १७ हजार दुई सय ८४ जना उपचारपछि निको भएका छन् ।

१७ लाख ३१ हजारभन्दा धेरैको उपचार भइरहेको छ । उपचार गराइरहेकामध्ये ५६ हजार ६ सय ८० जना अर्थात् ३ प्रतिशतको अवस्था जटिल रहेको र बाँकीको अवस्था सामान्य रहेको वल्डाेमिटरले जनाएको छ । सङ्क्रमणबाट अहिलेसम्म एक लाख ८३ हजारभन्दा धेरैको ज्यान गएको छ ।