राष्ट्रपतिद्वारा दुबै अध्यादेश खारेज

वैशाख १२, काठमाडौ –
राष्ट्रपति विद्यादेवी भण्डारीले विवादमा आएको दुई अध्यादेश खारेज गरेकी छिन् । मन्त्रिपरिषद्को सिफारिसमा राष्ट्रपति भण्डारीले शुक्रबार राजनीति दल विभाजन र संवैधानिक परिषद् सम्बन्धी दुई अध्यादेश खारेज गरेकी हुन् ।

केहिदिन अघि प्रधानमन्त्रीको सिफारिसमा मन्त्रीपरिषद बैठकले ल्याएको दुई अध्यादेशको पार्टी र जनस्तरबाट चौतर्फी विरोध भएपछी शुक्रबारको मन्त्रीपरिषद बैठकले अध्यादेश फिर्ता लिने निर्णय गरेको थियो।

सोही अनुसार मन्त्रिपरिषदले सिफारिस गरेपछि अध्यादेश खारेज गरिएको राष्ट्रपति कार्यालयका सहायक प्रवक्ता केशवप्रसाद घिमिरेद्वारा जारी विज्ञप्तिमा उल्लेख छ ।