वैशाख १३, विराटनगर –
ईलाका प्रहरी कार्यलय बेलबारीको प्रमुख रहेर काम गरेका प्रहरी निरीक्षक गुणराज बुढाथोकी उत्कृष्ट काम गर्दै बिदा भएका छन्। अपराध अनुसन्धान लगायत जिम्मेवारी वहनका हिसावले प्रहरी निरिक्षक गुणराज बुढाथोकी सफल देखिएका हुन् ।
बेलबारिमा रहँदा बुढाथोकी ‘सिंगम इन्सपेक्टर’ को रुपमा परिचित थिए। ९ महिनाअघि बेलबारिको प्रमुख भएर आएका प्रहरी निरीक्षक बुढाथोकीले बेलबारी लगायत आसपासको क्षेत्रमा शान्ति सुरक्षालाई मजबुत बनाएकै कारण उनिले सिंगमको उपमा पाएक थिए ।
बेलबारीमा कार्यलय प्रमुख भएर आएका उनले ९ महिनाको अबधिमा १ करोड ९४ लाख राजस्व समेत संकलन गर्न सफल भएका छन । अबैध घरेलु मदिरा तथा कच्चा पदार्थ (मर्चा) बाट राजश्व संकलन १३ लाख ९३ हजार,अबैध ढुंगा गिटीबाट राजश्व संकलन १३ लाख,मापसेबाट ७३ हजार,नविकरण फेल भएका सवारीसाधनबाट ५ लाख ७ हजार ८ सय ३५,भन्सार छलि गरि ल्याईएको सामानबाट १२ लाख ५० हजार,संयुत्त ट्राफिक चेकिङबाट ७४ लाख १४ हजार ३ सय,फरार प्रतिबादी १३३ जनाबाट १२ लाख ५२ हजार,हराएर फेला पारिएको मोबाईलबाट ९ लाख ६० हजार,हराएर फेला पारिएको मोटरसाईकलबाट ५२ लाख ५० हजार राजश्व संकलन गर्न सफल भएका छन ।
उनको महत्वपुर्ण उपलब्धि भनेको हराएका मोबाईल खोजी गरि मोबाईलधनीलाई बुझाउनु,मध्यरात सम्म सञ्चालन हुने होटलहरुलाई निश्चित समयसम्म मात्र सञ्चालन गर्न दिनु र अबैध दोहन र उत्खनन रोक्नमा समेत उनको कार्यकाल सफल रहयो । बुढाथोकीले सो क्षेत्रका गुण्डा तथा माफियाहरुलाई तह लगाएका थिए । त्यसभन्दा अघि केही व्यक्तिहरुले राजनैतिक आडमा विभिन्न किसिमका आपराधिक गतिविधि गर्दै आएको भएपनी बुढाथोकी प्रमुख भएर आएपछि सबै रोकिएको स्थानीयले बताए ।
बुढाथोकीले शान्ति सुरक्षा मजबुत बनाउन खोज्दा असहयोग गर्नेहरु पनि धेरै रहेको तर आफू त्यसबाट पछि नहटेको बताए । विशेषगरि केही होटेल व्यवसायी जस्ले रातिको समयमा अबैध धन्दा गर्ने तथा राजनैतिक आडमा दादागिरी देखाउने गुण्डा र ठेकेदारहरुलाई कारबाहीको दायरमा ल्याउँदा आफुलाई दबाब आउने गरेको उनले बताए।
छोटो अबधिमा उनले धेरै राम्रा र सम्झन लायक काम समेत गरेका छन । उनलाई १ नम्बर प्रदेश दंगा नियन्त्रण प्रहरी गण दुहवीमा खटाईएको छ भने उनको ठाँउमा ऋषिराज ढकाल कार्यलय प्रमुखका रुपमा आउने भएका छन ।
बुढाथोकीको सरुवाका लागि शुरु देखि नै केही नेताहरु कम्मर कसेर लागेका थिए । उनलाई सरुवा गर्न दवाव बढिरहँदा पनि उनको कामको मुल्यांकन गर्दै उनलाई उत्कृष्ट प्रहरी समेत घोषणा गरिएको थियो ।
यो पनि :
