आज थप ४ जना कोरोना संक्रमित थपिए, संक्रमितको संख्या ५८

वैशाख १७, विराटनगर –
नेपालमा थप चार जना कोरोना संक्रमित थपिएका छन्। चारमध्ये दुई जना बारा र दुई जना वीरगन्जका छन्।

स्रोतका अनुसार चारै जना यसअघि वीरगन्ज १६ स्थित इनरुवाका कोरोना संक्रमित व्यक्तिसँगै दिल्लीको मर्कजबाट फर्किएका थिए। राष्ट्रिय जनस्वास्थ्य प्रयोगशालामा गरिएको परीक्षणमा उनीहरूमा संक्रमण पुष्टि भएको हो।

आज पुष्टि भएका संक्रमित सबैलाई नारायणी अस्पताल लैजाने तयारी हुँदैछ। रौतहटका दुईजना संक्रमितको पनि सोही अस्पतालमा उपचार भइरहेको छ।

योसँगै नेपालमा कोरोना संक्रमितको संख्या ५८ पुगेको छ। जसमा १६ जना निको भएका छन्।