वैशाख १८, विराटनगर –
सामाजिक कार्यमा सक्रिय युवाहरुको समुहले विराटनगरको पुर्वान्चल बालसेवा अश्रमा खाद्यान्न ,तरकारी लगायतका सामाग्री सहयोग गरेको छ। विराटनगरमा सडक पेटिमा बसेकाहरूलाई निशुल्क खाना खुवाउँदै आएको युवाहरुको समूहले नै आश्रमलाई सहयोग गरेको हो ।
विराटनगर १३ मा रहेको पुर्वाञ्चल बाल सेवा आश्रममा युवाहरुको समूहले चामल,नुन, तेल,बिस्कुट वितरण गरेको हो। त्यस्तै टमामाटर, कोपि, साबुन, मास्क, सेनिटाईजर र महिलाहरुका लागि सेनिटरी प्याड समेत वितरण गरिएको छ। लकडाउनका कारण सहयोग गर्नेहरु कम भैरहेका बेला युवाहरुले समूहले खाद्यान्न, तरकारी लगायतका सामाग्री सहयोग गरेकोमा आश्रम परिवारले धन्यवाद व्यक्त गरेको छ।
युवा नेता ओसिम आलमको नेतृत्वमा विगत एक महिनादेखि सडक पेटिमा बस्नेहरुलाई निशुल्क खान खुवाईरहेको समुहले नै आश्रममा पनि सहयोग गरेको हो। कोरोना भाइरस रोकथाम र नियन्त्रणका लागि सरकारले जारी गरेको लकडाउनका कारण आश्रममा खानका लागि समस्या भएको बुझेर सहयोग गरेको अभियान्ता ओसिम आलमले बताए ।
