वैशाख २०, विराटनगर –
विराटनगरका सामाजिक अभियान्ता नवीन बिक्रम शाहको नेतृत्मा युवाहरुले विप्पन्न परिवारलाई निशुल्क खाना खुवाउँदै आएका छन् । विगत एक महिनादेखि युवाहरूको समूहले गरिब, असहाय तथा विपन्न परिवारलाई निशुल्क खानाको व्यवस्था गर्दै आइरहेको छ।
सेवा नै धर्म हो भन्ने नाराका साथ सामाजिक अभियन्ताहरु नबिन बिक्रम शाह , बद्री थापाको नेतृत्वमा रहेका युवाहरुको समूहले दैनिक ६ सय जना बिपन्न नागरिकलाई खाना खुवाउँदै आएका हुन् ।
नोबेल अस्पताल, बिराट अस्पताल, कोशी अस्पताल र शिव शक्ति जिम क्लब छेउमा नियमितरुपमा खाना खुवाइरहेको अभियन्ता नबिन बिक्रम शाहले बताए । उनले लकडाउनको अबधिभर खाना खुवाउने कामलाई निरन्तरता दिने समेत बताए । उनले भने, ‘यस कार्यमा कुनै पनि संघसंस्था, राजनितिक दल र धार्मिक सस्थाको संलग्नता छैन । खानाको ब्यबस्था देशमा लकडाउन नसकुन्जेल सम्म निरन्तरता दिइने छ। खानाको व्यवस्था शिब शक्ति जिम कल्ब अगाडि गर्दै आएका छौं ।’
त्यस्तै अर्का अभियन्ता बद्री थापाले लकडाउनको समयमा कहि भौकै नबसोस भनेर यो कार्यको थालनी गरिएको बताए ।
