वैशाख २०, विराटनगर –
विराटनगरको सडक पेटिमा बस्नेहरुलाई निशुल्क खाना वितरण गर्दै आएका युवाहरूलाई नेकपा अध्यक्ष पुष्पकमल दाहाल प्रचण्डले राम्रो काम भन्दै प्रशंसा गरेका छन । लकडाउनका कारण समस्या परेका गरिब, असहाय , घरबारविहीन मजदुरहरुलाई बसेकै स्थानमा खाना पूर्याउँदै आएका विराटनगरका युवाहरुको अभियानलाई नेकपा प्रचण्डले राम्रो काम भन्दै प्रसंसा गरेका हुन् ।
खाना खुवाउने अभियानको नेतृत्व गरिरहेका युवा नेता ओसिम आलमलाई भिडियो कलमार्फत उदाहरणीय कार्य भन्दै प्रचण्डले खाना खुवाउने अभियानको प्रशंसा गरेका हुन । भिडियो कलको व्यवस्थापन नकेपा युवा नेता जीवन आचार्यले मिलाएका थिए । उनी नेकपाका प्रदेश नं १ सदस्य समेत हुन् ।
भिडियो कलमा प्रचण्डले सामाजिक सञ्जाल मार्फत युवाहरुको काम हेरेको बताउँदै अभियानलाई निरन्तरता दिन आग्रह गरेको अभियानको नेतृत्व गरेका युवा नेता ओसिम आलमले बताए । साथै प्रचण्डले आवश्यक परे सहयोग गर्ने बचन समेत दिएको उनले बताए ।
त्यस्तै नेकपाका युवा नेता जीवन आचर्यले पनि अभियानको प्रशंसा गर्दै आफूले यो अभियानलाई साथ र सहयोग गर्ने बताए। युवाहरुले गरेको यो उदाहरणीय कार्यको सबैले प्रसंसा गरेर हौसला बढाउनु पर्ने समेत बताए ।
लकडाउका कारण समस्यामा परेका गरिब, असहाय , घरबारविहिन तथा मजदुरहरुलाई विराटनगरका युवाहरुले ३३ दिनयता नियमित खाना खुवाइरहेका छन ।
