वैशाख २१, विराटनगर –
नेपाल कम्युनिस्ट पार्टी (नेकपा) का युवानेता जीवन आचार्यले बुढिगंगा गाउँपालिकालाई चामल सहयोग गरेका छन् । लामो समयदेखि लकडाउन हुँदा दैनिक गुजारा गर्न नसक्ने अवस्थामा पुगेका विपन्न तथा मजदुरहरुलाई वितरण गर्न भन्दै आचार्यले १ सय ५० बोरा चामल सहयोग गरेका हुन् ।
नेकपा प्रदेश नं १ सदस्य समेत रहेका युवा नेता आचार्यले त्यस क्षेत्रका जनताको समस्यालाई मध्यनजर गर्दै राहत स्वरुप चामल गाउँपालिकालाई हस्तान्तरण गरेको राष्ट्रिय युवा सँघका नेता इश्वरी आचार्यले बताए । सरकारले एकद्वार प्रणालीबाट राहत वितरण गर्ने निर्णय गरेकोले राहतका लागि उपलब्ध गराएको १ सय ५० बोरा चामल आइतबार बुढिगंगा गाउँपालिका अध्यक्ष बाल्लचन्द्र माझीलाई हस्तान्तरण गरिएको समेत आचार्यले जानकारी दिए ।
चामल हस्तान्तरण कार्यक्रममा नेकपा प्रदेश कमिटी सदस्य सत्यनारायन चौधरी , उपेन्द्र राय , राष्ट्रिय युवा सँघका नेता इश्वरी आचार्य लगायको उपस्थिति थियो।
लोकप्रिय युवा नेता जीवन आचार्यले यसअघि पनि बुढिगंगा गाउँपालिका र विराटनगर वडा नं ४ मा पनि राहतको लागि चामल सहयोग गरेका थिए।
