वैशाख २५, काठमाडौँ–
कोरोना परिक्षणको लागि बिहीबार संसद भवन नयाँ बानेश्वरमा काठमाडौँमा उपलब्ध भएका सांसद, कर्मचारी, सुरक्षाकर्मीको स्वाब संकलन गरिएको छ। शुक्रबार दिउँसो ४ बजेदेखि संसदको बजेट अधिवेशन सुरु हुने भएपछि बिहीबार सांसदहरुको पिसिआर प्रविधिबाट परीक्षण गर्न स्वाव संकलन गरिएको हो।
यसैविच संसद सचिवालयले कोरोना परिक्षण गरेका सांसदलाई मात्र बैठक कक्षमा प्रवेश गर्न दिने भएको छ। छुटेका सांसदहरुलाई शुक्रबार बिहान ७ बजे उपस्थित हुन आग्रह गरिएको छ
परीक्षणको रिपोर्ट शुक्रबार बिहानसम्म आउने र सांसदहरुले परीक्षणको रिपोर्ट नेगेटिभ आए मात्र बैठक कक्षमा प्रवेश गर्न दिने तयारी गरिएको छ।
परीक्षणको रिपोर्ट आउन सामान्यतया: ६ घण्टा लाग्ने भएकाले शुक्रबार नै स्वाब दिनेको पनि रिपोर्ट आउने र नेगेटिभ देखिएमा मात्र संसदमा प्रवेश दिइने भएको हो। जिल्ला जिल्ला पुगेका सांसद काठमाडौँ फर्किने क्रम जारी रहेको छ। त्यसरी आउने सांसदको परीक्षण भई रिपोर्ट नेगटिभ आए मात्र बैठकमा बस्न पाउनेछन्।
