वैशाख २५, विराटनगर –
नेपाली मुस्लिम समुदाय बिकास केन्द्र (जामे अल सलाम, विराटनगर ) ले खाद्य सामाग्री वितरण गर्दै आईरहेको छ । संस्थाले विराटनगर लगायत ठाउँहरुमा राहत स्वरुप खाद्यान्न वितरण गर्दै आईरहेको छ ।
लकडाउनले पारेको असरललाई मध्यनजर गर्दै संस्थाले चरणबद्ध रुपमा हालसम्म २ सय १० गरिब परिवारलाई राहत स्वरूप खाद्यान्न वितरण गरिसकेको छ । प्रत्येक परिवारलाई २०/२५ किलो चामल, २/३ किलो दाल, २ किलो चिनी, २ किलो चना २ लिटर तेल र १ किलो नुन जस्ता अत्यावश्यक खाद्यान्न सामाग्रीहरु वितरण गर्ने गरेको संस्थाका अध्यक्ष इब्राहिम शर्माले जानकारी दिए । खाद्यान्न वितरणका लागि विभिन्न दाताहरुको सहयोग गर्ने गरेको समेत उनले बताए ।
संस्थाका कार्यसमितिका पदाधिकारीहरु मो. जिया हुसैन, सियाम तिमल्सिना, कमाल श्रेष्ठ, अमिर लिम्बू, अब्दुल कादिर लगायत अन्य सदस्यहरुको उपस्थितिमा राहत वितरण गरिदै आएको छ । संस्थाले बिराटनगरमा मात्र नभएर काठमाडौ अवस्थित केन्द्रिय कार्यालय बाट पनि विभिन्न जिल्लाहरुमा राहत वितरण गर्दै आएको छ ।
