वैशाख २७, काठमाडौ –
भारतले नेपाली भूमि हुँदै सडक बनाएको विरोध गर्न लैनचौरस्थित भारतीय दूतावास पुगेका अनेरास्ववियूका प्रदर्शनकारीलाई प्रहरीले नियन्त्रणमा लिएको छ। अनेरास्ववियुको नेतृत्वमा गएका २० प्रदर्शनकारीलाई प्रहरीले नियन्त्रणमा लिएको हो।
भारतद्वारा नेपाली भुमी अतिक्रमणको बिरुद्ध भारतिय दूतावास अगाडि प्रदर्शन गर्ने क्रममा अनेरास्ववियूका केन्द्रिय नेता सुदेश पराजुली, अशोक थापा, महेश श्रेष्ठ, उत्तर खड्का, न्युसन लामिछाने, अनेरास्ववियुका पुर्व नेताहरु बिनोद खुलाल, प्रेम प्रधान लगायतलाई प्रहरीले गिरफ्तार गरेको छ ।
उनीहरुलाई खानी तथा भूगर्भ विभाग नपुग्दै प्रहरीले नियन्त्रणमा लिइएकाे हाे।
भारतले नेपाली भूमि लिपुलेक कालापानी हुँदै मानसरोवरसम्म जाने सडकको शुक्रबार उद्घाटन गरेको थियो। भारतको उक्त कदमविरुद्ध नेपालका राजनीतिक दल, विभिन्न र्सगठनले तीव्र विरोध गरेका छन्।
