भर्खरै १३ जना कोरोना संक्रमित पुष्टि , आज मात्रै २४ जना संक्रमित थपिए

वैशाख २९, काठमाडौ –
नेपालमा आज मात्रै २४ जना कोरोना संक्रमित भेटिएका छन् । योसँगै नेपालमा जम्मा संक्रमितको संख्या १३२ पुगेको छ ।

सोमबार बेलुका थप १३ जनामा कोरोना संक्रमण पुष्टि भएको छ । कपिलवस्तुमा ६, रुपन्देहीमा ६ र बर्दियामा १ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

सोमबार विहानमात्रै कपिलवस्तुमा १० जनामा कोरोना संक्रमण पुष्टि भएको थियो । कपिलवस्तुमा मात्र सोमबार १६ जनामा कोरोना संक्रमण देखिएको छ । रुपन्देहीमा यसअघि एक जनामा संक्रमित देखिएकामा सोमबार ६ जना थपिएको हो ।

बर्दियामा भने पहिलो पटक कोरोना संक्रमण देखिएको हो ।