कोरोना संक्रमण देखिएकी एक महिलाको मृत्युु

जेष्ठ ३, काठमाडौ –
नेपालमा कोरोना भाइरसको संक्रमण पोजेटिभ देखिएकी एकजना महिलाको मृत्यु भएको छ। सिन्धुपाल्चोक बाह्रबिसे घर भएकी उनी शुक्रबार धुलिखेल अस्पताल आएकी थिइन्।

उनलाई त्यहाँ भर्ना गरेर उपचारको तयारी गर्दैगर्दा उनको मृत्यु भएको हो। अस्पताल स्रोतका अनुसार अस्पतालमै आरडिटी र पिसिआर परीक्षण गर्दा उनको स्वाब परीक्षणको नजिता पोजेटिभ आएको थियो। त्यसपछि उनको मृत्यु भएको थियो। मृत्युपछि स्वाबको पुनः जाँचका लागि टेकुस्थित जनस्वास्थ्य प्रयोगशाला पठाइएको थियो र त्यहाँ पनि पोजेटिभ नजिता देखियो।

एकसाता अघि उनी शिक्षण अस्पताल काठमाडाै‌ंमा सुत्केरी भएकी थिइन्।

मन्त्रालयको उच्च स्रोतअनुसार अहिले साँझ ४ बजेको पत्रकार सम्मेलनमा त्यसको बारेमा आधिकारिक जानकारी गराइनेछ।