जेठ ८, विराटनगर –
एक महिनाअघि काठमाडौ बाट हिँडेका आठ जना भारतीय मजदुरलाई युवा नेता ओसिम आलमले उद्घार गरेका छन् । उनिहरुलाई मोरङको धनपालथान स्थित कदमाबाट उद्धार गरिएको हो ।
काठमाडौंबाट घर फर्किन सिराहा पुगेका उनीहरूलाई त्यहाँको स्थानीय तहले थापापाएपछि २२ दिन क्वारेनटाइनमा राखेको थियो। स्वाब परीक्षणको नतिजा नेगेटिभ आएपछि उनीहरूलाई क्वारेनटाइनबाट छोडिएको थियो। त्यसपछि पुनः घर फर्किन उनीहरू एम्बुलेन्स चढेर मोरङस्थित धनपालथानसम्म आइपुगे।
तर मोरङको प्रशासनले कोरोना सङ्क्रमणको जोखिम उच्च रहेको बेला घर पठाउन नसकिने बताएपछि उनिहरु अलपत्र परेका थिए । अलपत्र परेका ८ जना भारतिय मजदुरलाई जिल्ला प्रशासन कार्यालय मोरङको आग्रहमा मंगलबार राती १२ बजे उद्धार गरिएको युवा नेता ओसिम आलमले बताए। उनका अनुसार अहिले भारतीय मजुरलाई विराटनगर ११ मा रहेको हाम्रो नेपाल होस्टेलमा राखिएको छ।
लकडाउन अवधिभरि उनीहरुको बस्ने र निःशुल्क खानाको व्यवस्था आफ्नो टिमले गर्ने आलमको बताए।
