जेठ ११, विराटनगर –
नेकपाका युवा नेता जीवन आचार्यले मुस्लिम परिवारलाई सहयोग गरेका छन् । आचार्यले मुस्लिम समुदायको पर्व इदको अवसरमा विराटनगरका मुस्लिम परिवारलाई सहयोग गरेका हुन् ।
युवा नेता आचार्यको सहयोगमा विराटनगर महानगरपालिका वडा नम्बर ९ स्थित घोगापुल चौकका सय मुस्लिम परिवारलाई ५ केजि चामल र डेढ केजि जिउँदो कुखुराको मासु सहयोग गरिएको राष्ट्रिय युवा संघ नेपालका केन्द्रिय सदस्य इश्वरी आचार्यले जानकारी दिए । मुस्लिम समुदायको महत्त्वपूर्ण पर्व ईद सोमबार मनाइँदै छ । त्यसैलाई मध्यनजर गर्दै लकडाउनका कारण समस्यामा परेका र आर्थिक अवस्था कमजोर भएका मुस्लिम परिवारलाई इद पर्वको अवसरमा सहयोग गरिएको आचार्यले बताए ।
आचार्यले यसअघि पनि विभिन्न ठाउँमा राहत सामाग्री सहयोग गर्दै आइरहेका छन् । सहयोग हस्तान्तरण कार्यक्रममा उनी उपस्थित नभए पनि राष्ट्रिय युवा संघ नेपालका नेताहरूको उपस्थितिमा हस्तान्तरण गरिएको थियो ।
