जेठ १३, विराटनगर –
पुर्व संघीय मामिला तथा सामान्य प्रशासन मन्त्री लालबाबु पण्डितले आफ्नो निर्वाचन क्षेत्रमा राहत वितरणको कार्यलाई निरन्तरता दिएका छन् । यसैअनुसार पण्डितले विराटनगर वडा नम्बर ९ लाई ९ क्विन्टल चामल सहयोग गरेका छन् ।
आफ्नो निर्वाचन क्षेत्र अन्तर्गत पर्ने विराटनगर वडा नम्बर ९ मा पण्डितले ९ सय २० केजि चामल सहयोग गरेका हुन् । मोरङ क्षेत्र नम्बर ६ का प्रतिनिधिसभा सांसद समेत रहेका पण्डितले त्यस क्षेत्रका गरिब , विपन्न र लकडाउनले समस्यामा परेका परिवारका लागि चामल उपलब्ध गराएको पण्डितका स्वकीय सचिव मनोज राईले जानकारी दिए । राहत स्वरुप उपलब्ध गराएको चामल मंगलबार त्यस क्षेत्रका अगुवाहरुको उपस्थितिमा हस्तान्तरण गरिएको समेत उनले बताए ।
पुर्व मन्त्री पण्डितले यसअघि पनि आफ्नो निर्वाचन क्षेत्रमा पर्ने बुढिगंगा गाउँपालिकाका विपन्न तथा गरिव घरपरिवारलाई खाद्यान्न वितरण गरेका थिए। उनले बुढिगंगा गाउँपालिकामा ५० बोरा चामल र १० बोरा आलु गरिब तथा विपन्न परिवारलाई वितरण गरेका थिए। त्यस्तै यसअघि विराटनगर वडा नं १२ लाई १० क्विन्टल (१ हजार केजि) चामल र वडा नम्बर ६ लाई समेत राहत प्याकेज बनाएर हस्तान्तरण गरिएको थियो। साथै सांसद पण्डितकै पहलमा सुन्दरहरैचामा समेत राहत सामाग्री उपलब्ध गराईएको थियो। पण्डितले १ हजार ५ सय केजि चामल र १ सय ५० केजि नुन प्रदान गरेका थिए। त्यस्तै विराटनगरका ५ र ७ नम्बर वडाका अति विपन्न परिवारलाई समेत पण्डितले खाद्यान्न सहयोग गरेका थिए।
यस्तै राहत वितरण कार्यक्रमलाई निरन्तरता दिईने समेत पण्डितका स्वकीय सचिव मनोज राईले बताए ।
