जेठ १५, उर्लाबारी –
अनेरास्ववियूले मदन भण्डारी स्मृति प्रतिष्ठानका विद्यार्थीलाई खाद्य सामाग्री सहयोग गरेको छ । अनेरास्ववियूले लकडाउनका कारण समस्यामा परेका विद्यार्थीहरुलाई खाद्य सामाग्री सहयोग गरेको हो ।
अनेरास्ववियू मदन भण्डारी स्मृति प्रतिष्ठानको समन्वयमा बिहिवार खाद्य सामाग्री हस्तान्तरण गरिएको हो। खाद्य सामाग्री अनेरास्ववियूका केन्द्रिय नेता ओसिम आलम र फ्रान्स आर्मीमा कार्यरत संजय खड्का तथा दक्षिण कोरियामा कार्यरत दिपेन्द्र खड्काले सहयोग गरेको अनेरास्ववियू मदम भण्डारी स्मृति प्रतिष्ठानका अध्यक्ष अनुप खड्काले जानकारी दिए । खाद्य सामाग्री अनेरास्ववियू केन्द्रिय सदस्य अनिल कार्कीको प्रमुख आतिथ्यमा हस्तान्तरण गरिएको थियो । २२ जना विद्यार्थीहरुका लागि प्रत्येककलाई एक बोरा चामल, नुन, तेल, टमाटर , तरकारी हस्तान्तरण गरिएको थियो । हस्तान्तरण कार्यक्रममा सुकुना क्याम्पसका स्ववियु उपसभापति मिलन घिमिरे पनि उपस्थित थिए।
विराटनगरमा कोठाभाडामा बस्दै आएका विद्यार्थीहरुलाई खाद्य सामाग्री सहयोग गर्दै आएका अनेरास्ववियूका नेताहरु निर्मल भण्डारी , शिवरतन शाह, रुपेश दास, अमर मण्डल , आशिक भट्टराई र अविरल काफ्लेले विराटनगरबाट चामल, नुन , तेल , तरकारी तथा टमाटर लिएर गएका थिए । अन्य सामाग्री स्थानीय रुपमै जुटाईएको खड्काले जानकारी दिए ।
लकडाउनका कारण नजिकै घर भएका विद्यार्थीहरु घर गए पनि सुदुरपश्चिका विद्यार्थीहरु घर जान र घरबाट खर्च पठाउने माध्यममा समेत समस्या भएपछि अनेरास्ववियूको पहलमा विद्यार्थीहरुलाई खाद्य सामाग्री वितरण गरेको खड्काले बताए । अनेरास्ववियूले यसअघि पनि विद्यार्थीहरुलाई खाद्यान्न उपलब्ध गराएको उनले बताए । खाद्य सामाग्री वितरणको व्यवस्थापन अयुब लिम्बू, निकेश पौडेल, अनुराग भट्टराई र अनिस भट्टराईले गरेका थिए ।
