जेठ १६, विराटनगर –
प्रदेश नम्बर १ मा प्राविधिक तालिम तथा अनुसान्धान केन्द्र स्थापनाका लागि प्रोग्रेसिभ ईन्जिनियरिङ्ग एसोसिएसन नेपाल (पिन) ले सक्रियता देखाएको छ । केन्द्र स्थापनाका लागि प्रदेश नम्बर १ को पिन समितिले मुख्यमन्त्री शेरधन राईसमक्ष माग राखेको छ ।
प्रगतिशिल बिचारधारा राख्ने ईन्जिनियरिङ्ग पेशाकर्मीहरुको संगठन पिन प्रदेश १ समितिले आर्थिक वर्ष २०७७/७८ को लागि प्रदेशको नीति तथा कार्यक्रम सार्वजनिक हुनलागेको पुर्व अवसर पारेर मुख्यमन्त्री शेरधन राईसँग माग राखेको हो । समितिले ईन्जिनियरिङ्ग पेशा/व्यवसाय गर्ने सम्पूर्ण जनशक्तिको क्षमता-विकास गर्न तथा दक्ष एवं विशेषज्ञ प्राविधिक जनशक्ति प्रदेश भित्रनै निर्माण गर्ने उदेश्यसहित प्रदेश सरकार समक्ष प्रस्ताव राखेको पिनका प्रदेश नम्बर १ सचिवालय सदस्य ई. पवन झाले बताए । उनका अनुसार पिनले प्रदेश एकको समग्र विकासको लागी आवश्यक जनशक्ति उत्पादनका लागी प्रदेश-१ मा प्राविधीक तालिम तथा ईन्जिनियरिङ्ग अनुसन्धान केन्द्र स्थापनाका लागी अबधारणा पत्र सहित प्रदेश-१ का मुख्यमन्त्री सेरधन राई समक्ष माग प्रस्तुत गरेको हो ।
गुणस्तरिय पुर्वाधार विकासका लागी आवश्यक जनशक्ति प्रदेश भित्र नै तयार गर्न, स्वदेशी प्रविधी र ज्ञान-सिपको समय सापेक्ष खोज, अन्वेषण, विकास र प्रयोग गर्न, प्रदेश भित्र उपलब्ध श्रोत साधन र आवस्यकताको आधारमा राष्ट्रिय-अन्तराष्ट्रिय स्तरमा प्राप्त सूचना, ज्ञान-सिप र प्रविधीको उपयोग गर्न सक्ने जनशक्ति उत्पादन गर्न, उपकरण तथा यान्त्रिकरणमा खोज, अनुसन्धान र विकास गर्न, नयाँ नयाँ रोजगारीका अवसरहरुको सम्भावना र सिर्जनाको लागी तालिम तथा क्षमता बिकासको आवस्यकता पुरा गर्न तथा प्रदेश भित्र कृषिमा यान्त्रिकरण र ब्यवसायीकरण तथा औधोगिकिकरणको लागि अल्पकालिन तथा दिर्घकालिन रुपमा जनशक्ति तयार गरि रोजगारीका अवसरहरु सिर्जना गर्न प्रस्तावित प्राविधीक तालिम तथा ईन्जिनियरिङ्ग अनुसन्धान केन्द्रले महत्वपूर्ण भुमिका खेल्ने ई. झाले बताए ।
पिन प्रदेश-१ एकका अध्यक्ष ई. दीपक पौडेलले एक कार्यक्रमका बिच उक्त आवधारणा प्रस्तुत गरेका थियो । उक्त अवसरमा मुख्यमन्त्री, भौतिक पुर्वाधार राज्यमन्त्री, मुख्यमन्त्रीका प्राविधिक सल्लाहकार तथा पिन केन्द्रीय समिति सल्लाहकार ई. महेन्द्र बहादुर गुरुङ लगायतको उपस्थीती रहेको थियो ।
उक्त प्रस्तावलाई सर्वप्रथम प्रदेश-१ का आन्तरिक मामिला तथा कानुन मन्त्री हिक्मत कार्की समक्ष पेश गरिएको थियो । आगामी बर्षको नीति तथा कार्यक्रममा पिनले गरेको प्रस्तावलाई सम्बोधन हुने आस्वासन पाईएको अध्यक्ष पौडेलले बताए ।
