जेठ २५, काठमाडौ –
नेपालमा आइतबार २ सय १३ जनामा कोरोना संक्रमण पुष्टि भएको छ । योसँगै संक्रमितको संख्या ३ हजार ४ सय ४८ पुगेको स्वास्थ्य तथा जनसंख्या मन्त्रालयले जनाएको छ। पत्रकार सम्मेलनमा प्रवक्ता डा. विकास देवकोटाले पछिल्लो २४ घन्टामा २१३ नयाँ संक्रमित भेटिएको जानकारी गराएका हुन् ।
संक्रमित हुनेमा सर्लाहीका ७५ जना, सल्यानका २८, सुर्खेतका २०, झापाका २ जना, सुनसरीका २ जना, मोरङका ३ जना, धादिङका १ जना, रौटहटका १ जना, धनुषाका १ जना, सिरहाका २ जना, कालिकोटका ३ जना, दाङका २ जना, प्युठानका १ जना, रोल्पाका ३ जना, कपिलवस्तुका १० जना, दैलेखका ३ जना, महोत्तरीका ५ जना, सिन्धुपाल्चोकका १ जना, उदयपुरका ३ जना, बाँकेका ३, बर्दियाका १, कैलालीका ५, गोरखाका १०, बागलुङका १० स्याङ्जाका १४ र नवलपरासी पूर्वका ४ जना रहेका छन् ।
त्यस्तै कोरोना भाइरस (कोभिड १९) संक्रमित निको हुनेहरुको संख्या ४६७ पुगेको छ । गत २४ घन्टामा १०२ जना निको भएर घर फर्किएसँगै डिस्चार्ज हुनेको संख्या ४६७ पुगेको स्वास्थ्य तथा जनसंख्या मन्त्रालयले आइतबार जानकारी दिएको हो ।
साथै हालसम्म नेपालमा १३ जनाले कोरोनाका कारण ज्यान गुमाईसकेका छन् ।
