जेठ २७, विराटनगर –
विराटनगर मुख्य बजार क्षेत्रको बाटो कालोपत्रे गरेको चानचुन एक महिना समय भयो। तर फेरि बिचबिचमा बाटो खनेर भत्काईएको छ ।
लामो समयपछि मुख्य बजार क्षेत्रको बाटो कालोपत्रे सम्पन्न भएपनी फेरि ठाउँठाउँमा भत्काईएको छ। विराटनगरको ट्राफिक चौक देखी थोरै पश्चिमतर्फ सडक भत्काईएको छ। कुनै सुचना नदिई बाटो भत्काईँदा सर्वसाधारणलाई हिँडडुल गर्न सास्ती भएको छ । त्यस्तै जलजला मोडदेखि हस्पिटल चौक जाने सडकमा पनि भत्काईएको छ। कुनै सुचना र जानकारी बिना नै यसरी जथाभावी सडक भत्काउँदा सर्वसाधारणलाई हिँडडुल गर्न सास्ती भएको छ ।
सडक निर्माणको क्रममा विराटनगर महानगरपालिकाले समन्य नगरेका कारण यसरी जथाभावी सडक भत्काउनु परेको हो। कालोपत्रे गरेको महिना दिन बित्न नपाउँदै यसरी सडक भत्काउँदा अनावश्यक खर्च भएको त छ नै ब्यापारी र सर्वसाधारणलाई पनि निकै सास्ती भएको छ ।
