तिनवटै सरकारले काम गर्न नसकेको भन्दै विराटनगरका युवाहरुद्वारा सांकेतिक विरोध

जेठ २९, विराटनगर –
विराटनगरका युवाहरूले सरकारको खबरदारी गर्दै शान्तिपूर्ण विरोध प्रदर्शन गरेका छन् । कोरोना महामारीको यो अवस्थामा तिनवटै सरकारले अपेक्षित काम गर्न नसकेको भन्दै युवाहरुले विरोध प्रदर्शन गरेका हुन् ।

स्वतन्त्र रुपमा भेला भएका युवाहरुले मुख्यमन्त्री कार्यालय अगाडि राष्ट्रिय गान गाएर सरकारले प्रभावकारी काम गर्न नसकेको भन्दै सांकेतिक विरोध गरेका थिए । साथै विराटनगर महानगरपालिका अगाडि पनि प्लेकार्ड देखाउँदै सांकेतिक विरोध प्रदर्शन गरेका हुन् ।

उनिहरुले कोरोना महामारी नियन्त्रणका लागि सरकारले गरेको दश अर्ब खर्चको हिसाब माग गरेका छन् । त्यस्तै आरडिटी परीक्षण पनि बन्द गर्नुपर्ने, क्वारेन्टाइनलाई व्यवस्थित बनाउनुपर्ने लगायत उनिहरुको माग गरेका छ ।