नयाँ नक्सा पास भएको खुसीमा युवाहरुले भारतीय सिमानाका रानिमा गरे दिप प्रज्वलन

जेठ ३१, विराटनगर –
प्रतिनिधिसभाको आजको बैठकबाट नेपालको संविधान (दोस्रो) संशोधनमा लिपुलेक, लिम्पियाधुरा र कालापानीसहित नेपालको नक्शा अङ्कित निशान छाप दुई तिहाइ बहुमतबाट पास भएको खुशियालीमा विराटनगरका स्वतन्त्र युवाहरुले भारतिय सिमा नाका रानिमा दीप प्रज्वलन गरेका छन् ।

स्वतन्त्र युवा समुह विराटनगरले रानिमा पुगि नयाँ नक्सा र नेपालको झन्डा बनाएर दिप प्रज्वलन गरेका हुन्। कार्यक्रममा युवाहरुको बाक्लो उपस्थिति रहेको थियो। उनिहरुले राष्ट्रियगान गाउनुक्क साथै दिप प्रज्वलन गरेका छन् ।

कालापानी लिपुलेक र लिम्पियाधुरासहितको नेपाली भूभाग समेटर जारी गरिएको नेपालको नयाँ नक्शा र निशान छापको अद्यावधिकका लागि आज गरिएको नेपालको संविधानको दोस्रो संसोधन विधेयक २०७७ प्रतिनिधिसभाबाट सर्वसम्मतिले पारित भएको खुशियालीमा देशभर दिपावली गरिएको छ ।