टिकटकसहित ५२ वटा एप्लिकेसन भारतमा प्रतिबन्ध गर्न भारतीय अनुसन्धान एजेन्सीहरुको माग

असार ४, काठमाडौ –
भारतीय अनुसन्धान एजेन्सीहरुले चिनियाँ एप्लिकेसनहरु भारतमा प्रतिबन्ध हुनुपर्ने माग गरेका छन्। भारत र चिनबिच तनाब उत्पन्न भएका बेला चिनसँग सम्बन्धित एप्लिकेसनहरु भारतमा बन्द गर्नुपर्ने एजेन्सीहरुले माग गरेका हुन्।

हालै अनुसन्धान एजेन्सीहरुले ५२ वटा मोबाइल एप्लिकेसनको नाम भारत सरकारलाई बुझाएका छन्।
चर्चित एप्लिकेसन टिकटक, जुम, सेन्डर, सेयर इट, क्लीन मास्टर, यूसी ब्राउजरजस्ता एप्लिकेसन चीनसँग सम्बन्धित भएको र यसले सुरक्षा खतरा उत्पन्न गराउने एजेन्सीहरुको भनाइ छ।

भारतीय एजेन्सीहरुले सरकारलाई यी एप्लिकेसन बन्द गर्न नभए प्रयोगकर्तालाई यी एप्लिकेसन प्रयोगमा रोक लगाउन आग्रह गरेका छन्।

गत सोमबार राति लद्दाख नजिकको सीमा क्षेत्रमा भारतीय र चिनियाँ सेनाबीच झडप हुँदा २० भारतीय सेनाको मृत्यु भएपछि चिन बिरोधि भावना तिव्र रुपमा बढिरहेको छ।