७७ जिल्लामै फैलिएको कोरोना संक्रमितको संख्या १२ हजार नाघ्यो, मृत्यकको संख्या २८

असार १३, काठमाडौ –
नेपालका सबै जिल्लामा कोरोना संक्रमण फैलिएको छ । आज रसुवामा पहिलोपटक कोरोना संक्रमण देखिएसँगै सबै जिल्लामा कोरोनाका संक्रमित देखिएका हुन् ।

पछिल्लो २४ घन्टामा देशभर ५ सय ५४ जना कोरोना संक्रमित थपिएका छन् । स्वास्थ्य मन्त्रालयका प्रवक्ता डा जागेश्वर गौतमका अनुसार संक्रमितको संख्या १२ हजार ३०९ जना पुगेको छ ।

यस्तै उपचारपछि निको हुनेको संख्या २ हजार ८३४ जना पुगेको छ । आज १३६ जना निको भएका छन् ।

मृतकहरुको संख्या २८ जना पुगेको छ । आज कैलालीका एक ५० वर्षिय पुरुषको मृत्यु भएको छ ।