असार १३, सुनसरी –
नेपाल कम्युनिस्ट पार्टी नेकपाका भातृ संगठन अनेरास्ववियू र राष्ट्रिय युवासंघले संयुक्त रुपमा रक्तदान कार्यक्रम गरेको छ । सुनसरीको बराहक्षेत्र न.पा. १० स्थित प्रकाशपुरमा अनेरास्ववियू र युवा संघले कार्यक्रम गरेको हो ।
अनेरास्ववियू र रास्ट्रीय युवा संघ बराहक्षेत्र १० द्वारा शनिबार आयोजित रक्तदान कार्यक्रममा ७५ पिन्ट्स रगत संकलन भएको छ । नेपाल रेडक्रस सोसाइटी सुनसरीले समन्वय गरेको रक्तदान कार्यक्रम बाट ७५ पिन्ट्स रगत संकलन भएको कार्यक्रमका सह संयोजक सुशील सिग्देलले जानकारी दिए ।
कार्यक्रममा प्रमुख अतिथि नेकपा १ न. प्रदेश कमिटी सदस्य तथा सुनसरी जिल्ला अध्यक्ष योगेन्द्र मण्डल , बिशिस्ट अतिथिहरु नेकपा सुनसरी जिल्ला कमिटी सचिवालय सदस्य तथा बराहक्षेत्र नगर ईन्चार्ज केशव तिम्सिना, बराहक्षेत्र न. पा. का प्रमुख निलम खनाल, नेकपा सुनसरी जिल्ला कमिटी सदस्य तथा बिद्यार्थी ईन्चार्ज लोकेश निरौला , नेकपा १न. प्रदेश कमिटि सदस्य नरेन्द्र बस्नेत रहेका थिए ।
यस विषम परिस्थितिमा कोभिड-१९ को महामारीले अस्पतालमा रगत अभाव नहोस् भन्ने हेतुले असारको मध्य समय, धान रोपाईको चटारो रहेको समयमा ग्रामीण भेगमा उल्लेख्य मात्रामा रगत संकलन भएको भन्दै बराहक्षेत्र न.पा मेयर निलम खनाल र नेपाल रेड्क्रस सोसाइटी सुनसरी जिल्ला सदस्य तथा बराहक्षेत्र रेड्क्रस संयोजक रबिन घिमिरेले खुशी व्यक्त गरे ।
