असार १४, विराटनगर –
जननेता स्वर्गीय मदन भण्डारीको जन्मदिनको अवसर पारेर अनेरास्ववियूले विराटनगरमा वृक्षारोपण गरेको छ । मदन भण्डारीको ६९ औँ जन्मदिनको अवसरमा अनेरास्ववियूमा आवद्ध विद्यार्थीहरुले विराटनगरका विभिन्न कलेजहरुमा वृक्षारोपण गरेको हो।
अनेरास्ववियूमा आवद्ध विद्यार्थीहरुले विराटनगरस्थित पुर्वान्चल क्याम्पसको केन्द्रिय कार्यलय, पुसेट क्याम्पस र डिग्री क्याम्पसमा वृक्षारोपण गरेका छन्। तिनवट क्याम्पस गरि ६० वटा बिरुवा रोपेको अनेरास्ववियूका नेता बिकास महतोले जानकारी दिए । स्वर्गीय मदन भण्डारीको जन्मदिनको अवसरमा उहँको सम्झनामा वृक्षारोपण गरिएको अनेरास्ववियूका केन्द्रिय नेता तथा मोरङ जिल्लाका नेकपा विद्यार्थी इन्चार्ज ओसिम आलमले बताए ।
वृक्षारोपण कार्यक्रममा पुर्वान्चल विश्वविद्यालयकि रजिस्ट्रार प्रमिला थापाको पनि उपस्थिति रहेको थियो। त्यस्तै अनेरास्ववियूका केन्द्रिय नेता तथा मोरङका नेकपा विद्यार्थी इन्चार्ज ओसिम आलम, अनेरास्ववियू केन्द्रिय सदस्य जिसस न्यौपाने तथा जिल्ला कमिटी र क्याम्पस कमिटीका नेताहरुको सहभागी थियो।
