असार २१,काठमाडौ –
बितेको २४ घण्टामा २ सय ९३ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका प्रवक्ता जागेश्वर गौतमले पछिल्लो २४ घण्टामा २ सय ९३ संक्रमित थपिएको जानकारी दिए। यो सहित संक्रमितकाे संख्या १५ हजार ७ सय ८४ पुगेकाे छ।
अहिलेसम्म ६ हजार ५ सय ४७ जना कोरोना निको भएर घर फर्किसकेको डाक्टर गौतमले जानकारी दिए। विगत २४ घण्टामा १३२ जना कोरोना निको भएका थिए।
पछिल्लो २४ घण्टामा २५ प्रयाेगशालामा ४ हजार ७ सय १० जनाको पिसिआर परीक्षण भएको छ। यीसहित हालसम्म साढे २ लाख बढीको पिसिआर परीक्षण भएको छ।
कोरोनाबाट नेपालमा अहिलेसम्म ३४ जनाको मृत्यु भएको छ।
Facebook Comments
