लगातार दुई दिन नयाँ संक्रमित भन्दा निको हुनेको संख्या धेरै, मृत्यको संख्या ३८ पुग्यो

असार २७, काठमाडौ –
नेपालमा थप तीन कोरोना संक्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ३८ पुगेको छ।

स्वास्थ्य तथा जनसंख्या मन्त्रालयद्वारा आयोजित नियमित पत्रकार सम्मेलनमा प्रवक्ता डा. जागेश्वर गौतमले काठमाडौंका दुई र सिन्धुपाल्चोकका एक संक्रमितको मृत्यु भएको जनाएका छन् ।

नेपालमा पछिल्लो २४ घण्टामा थप ७० जनामा कोरोना भाइरसको संक्रमण देखिएको छ। योसँगै नेपालमा संक्रमितको संख्या १६ हजार ७ सय १९ पुगेको छ।

पछिल्लो २४ घण्टामा थप ४३१ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ८४४२ पुगेको छ।