विदेशमा अलपत्र परेका नेपालिको साउन ६ गतेसम्म उद्दार गरिने

असार २८ –
कोरोना महामारीका कारण विदेशमा अलपत्र परेका नेपाली नागरिकको साउन ६ गतेसम्म उद्दार गरिनेछ। सरकारले तेस्रो पटक एक साताका लागि उद्दारको तालिका थप गरेको छ ।

कोभिड–१९ संकट व्यवस्थापन केन्द्र (सीसीएमसी)का अनुसार आगामी बुधबार (असार ३१ गते) देखि सुरु हुने उद्दार उडान साउन ६ गते मंगलबारसम्म सञ्चालन हुने जानकारी गराइएको हो ।

बुधबारदेखि ६ वटा मुलुकबाट ४२ वटा उद्दार उडान हुने जानकारी गराइएको छ । सीसीएमसीले सार्वजनिक गरेको तालिका अनुसार रियाद, कुबेत, कतार, बहराइन, सारजाह, मेलेसिया, युएई, दुबई, अबुधाबी र साउदी अरबको दमामबाट नेपाली नागरिकको उद्दार गरिने भएको छ ।