साउन १०, काठमाडौं – विश्वमा पछिल्लो चौबिस घण्टामा मात्र दुई लाख ८८ हजार २५४ जना कोरोना भाइरसका नयाँ संक्रमित थपिएका छन्। सोही अवधिमा कोरोना कारण विश्वमा ६ हजार १८२ जनाको मृत्यु समेत भएको छ।
वर्ल्डोमिटर्सको तथ्यांकअनुसार शुक्रबार अमेरिकामा सबैभन्दा बढी ७७ हजार ८८५ जना कोरोनाका नयाँ संक्रमित थपिएका छन् भने एक हजार १२९ जनाको मृत्यु भएको छ।
ब्राजिलमा पछिल्लो चौबिस घण्टामा थप ५८ हजार २४९ जनामा कोरोना संक्रमण पुष्टि भएको छ। ब्राजिलमा सोही समयमा कोरोनाका कारण एक हजार १७८ जनाको मृत्यु भएको तथ्यांक छ।
भारतमा शुक्रबार ४८ हजार ८९२ कोरोनाका नयाँ संक्रमित थपिएका छन्। सोही दिन भारतमा ७६१ जना कोरोना संक्रमितको मृत्यु भएको छ।
रूसमा शुक्रबार पाँच हजार ८११ जना कोरोनाका नयाँ संक्रमित भेटिएका छन् भने १५४ जनाको मृत्यु भएको छ।
यस्तै, शुक्रबार दक्षिण अफ्रिकामा १३ हजार ९४४, मेक्सिकोमा ८ हजार ४३८, कोलम्बियामा सात हजार १६८, पेरूमा चार हजार ८६५, चिलीमा दुई हजार ५४५, साउदी अरेबियामा दुई हजार ३७८, इरानमा दुई हजार ४८९ तथा पाकिस्तानमा एक हजार २०९ जना कोरोनाका नयाँ संक्रमित थपिएका छन्।
