साउन १६, काठमाडौ –
पछिल्लो २४ घन्टामा नेपालमा २२४ जना नयाँ संक्रमित थपिएका छन् । योसँगै देशभर संक्रमितको संख्या १९ हजार ७७१ पुगेको छ ।
यस्तै पछिल्लो २४ घन्टामा कोरोना भाइरस सङ्क्रमणबाट चार जनाको मृत्यु भएको स्वास्थ्य तथा जनसङ्ख्या मन्त्रालयले जानकारी दिएको छ । यससँगै अहिलेसम्म ५६ जनाको मृत्यु भएको मन्त्रालयका प्रवक्ता डा. जागेश्वर गौतमले जनाएका छन्।
विगत २४ घण्टामा १५१ जना निको भएसँगै अहिलेसम्म १४ हजार ३९९ जना रोगमुक्त भएका छन्। मन्त्रालयको तथ्याङ्कअनुसार अहिले सक्रिय सङ्क्रमण भएका कुल ५ हजार ३१६ जना देशभरि छन्।
Facebook Comments
