सुनको मूल्य १ लाख १ हजार नाघ्यो

साउन २१ –
सुनको मुल्यले नयाँ रेकर्ड राखेको छ । आज सुनको मूल्य १ लाख नाघेको छ । पछिल्लो समय निरन्तर बढिरहेको सुनको मूल्य बुधबार १ हजार ६०० ले वृद्धि भएको हो ।

मङ्गलबार प्रतितोला रु ९९ हजार ८०० मा कारोवार भएको पहेंलो धातुमा आज बुधबार १ हजार ६०० ले वृद्धि भएको छ । बजार खुल्ने बित्तिकै छापावाल सुनको मूल्य प्रतितोला रु १ लाख १ हजार ४ सय कायम भएको छ भने सोही परिमाणको तेजाबी सुनको मूल्य रु १ लाख ९०० निर्धारण गरिएको छ ।

नेपाल सुनचाँदी व्यवसायी महासङ्घका अनुसार मङ्गलबारको तुलनामा आज चाँदीको मूल्य रु ६५ ले बढेको छ । एकतोला सेतो धातुको मूल्य आज रु १ हजार २९५ निर्धारण भएको छ ।