साउन २५ –
च्याम्पियन लिग फुटबल अन्तर्गत गएराती भएको प्री क्वाटरफाइनल खेलमा बार्सिलोना र बायर्न म्युनिखले जित निकाल्दै अघिल्लो चरणमा प्रवेश गरेका छन् ।स्पेनिश क्लब बार्सिलोनाले नापोलीमाथि ३-१ गोलअन्तरले र जर्मन क्लब बायर्न म्युनिखले चेल्सीमाथी ४-१ गोल अन्तरले हराएर च्याम्पियन्स लिग फुटबलको क्वार्टरफाईनलमा प्रवेश गरेका छन् ।
बार्सिलोनाले समग्रमा ४–१ को नतिजा सहित अन्तिम ८ मा स्थान सुरक्षित गरेको हो । यसअघि नापोलीको घरेलु मैदानमा भएको पहिलो लेगको खेल १–१ गोलको बराबरीमा सकिएको थियो । क्याम्प नाउमा भएको दोस्रो लेगमा घरेलु टोली बार्सिलोनालाई जित दिलाउन लियोनल मेस्सी, क्लेमेन्ट लेन्गलेट र लुईस सुआरेजले एक एक गोल गरे ।
मेस्सीले च्याम्पियन्स लिगका १ सय ४२ खेलमा १ सय १५ गोल पूरा गरेका छन् ।
पहिलो हाफको खेल सकिन अन्तिम मिनेटमा लोरेन्जो ईन्साईनले पेनाल्टीमा नापोलीका लागि एक गोल फर्काएका थिए ।
यस्तै रोबर्ट लेवान्डोस्की चम्किँदा फराकिलो नतिजासहित बायर्न म्युनिख क्वार्टफाईनलमा पुगेको हो । बायर्नले प्रिमियर लिग क्लब चेल्सीलाई ४–१ ले हराउँदै समग्रमा ७–१ को नतिजा सहित प्रतियोगिताको अन्तिम ८ मा स्थान सुरक्षित गरेको छ ।
स्टामफोर्ड ब्रिजमा भएको पहिलो लेगको खेलमा घरेलु टोली चेल्सीमाथि बायर्नले ३–० को जित दर्ता गराएको थियो । दोस्रो लेगको खेलमा बायर्नको घरेलु मैदान एलिनाज एरिनामा लेवान्डोस्कीले २ तथा इभाँ पेरिसिक र कोरेन्टिन टोलिस्सोले १–१ गोल गरे ।
पाँच पटकको युरोपियन च्याम्पियन बार्सिलोनाले क्वार्टरफाईनलमा जर्मन क्लब बायर्न म्युनिखसंग प्रतिस्पर्धा गर्नेछ ।
