साउन २५, काठमाडौ – सत्तारुढ दल नेपाल कम्युनिष्ट पार्टी (नेकपा) का सांसदले पार्टी एकताका लागि हस्ताक्षर अभियान शुरु गरेका छन् । नेकपा विवाद उत्कर्षमा लुगेका बेला सांसदहरुले हस्ताक्षर अभियान सुरु गरेका हुन् ।
हस्ताक्षर गर्नेमा नेकपा अध्यक्ष तथा प्रधानमन्त्री केपी शर्मा ओली, अर्का अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपालले नेतृत्व गरेका तीनै पक्षमा आवद्ध सांसदहरु छन् । तिनै पक्षमा ५० सांसदले हस्ताक्षर गरेको आइतबार सिंहदरवारमा पत्रकार सम्मेलन मार्फत जानकारी दिएका छन् ।
उक्त हस्ताक्षर अभियानमा प्रधानमन्त्री केपी ओली र प्रचण्ड-माधव नेपाल पक्ष दुवैतिरका सांसदहरुले हस्ताक्षर गरेका छन् । ओली पक्षधर कृष्णप्रसाद दाहाल, विशाल भट्टराई तथा प्रचण्ड-माधव पक्षका यज्ञराज सुनुवार, गणेश पहाडी, सुरेशकुमार राई लगायत हस्ताक्षर अभियानमा छन् ।
असार १० गते सुरु भएको स्थायी कमिटीको बैठक विवादका कारण असार २० यता बस्न सकेको छैन।
