साउन २६, विराटनगर –
प्रदेश १ मा सोमबार ४२ जना कोरोनाका नयाँ संक्रमित थपिएका छन् । पछिल्लो २४ घण्टामा एक हजार ६०१ जनाको पीसीआर परीक्षण गर्दा ४२ जना कोरोना संक्रमित थपिएको सामाजिक विकास मन्त्रालयले जनाएको छ ।
थपिएका मध्ये ३६ पुरुष र ६ महिला छन् । जसमा मोरङका १६ जना, सुनसरी १४ जना, झापा ९ जना, धनकुटा, खोटाङ र प्रदेश १ बाहिरका १–१ जना रहेको मन्त्रालयले जनाएको छ ।
मन्त्रालयका अनुसार प्रदेश १ मा कोरोना संक्रमितको संख्या १ हजार ४६५ पुगेको छ । सोमबार नै ९९ जना डिस्चार्ज भएका छन् । योसँगै प्रदेश १ मा डिस्चार्ज हुनेको संख्या १ हजार १४ पुगेको छ ।
Facebook Comments
