विराटनगरमा एकैदिन थपिए ५० सँक्रमित

साउन २७, विराटनगर –
मंगलबार विराटनगरमा एकैदिन ५० जना सँक्रमित थपिएका छन् । २९ पुरुष र २१ महिला गरि ५० जनामा कोरोना संक्रमण पुष्टि भएको हो

मंगलबार बिहान २३ जनामा तथा दिउँसो २७ जना नयाँ सँक्रमित थपिएका हुन् । योसहित प्रदेश १ मा मंगलबार ९८ जनामा सँक्रमण देखिएको सामाजिक विकास मन्त्रालयले जनाएको छ ।

जसमध्ये मोरङमा ६१, सुनसरीमा १८, उदयपुरमा १५, झापामा २, इलाम र ताप्लेजुङमा १–१ जना रहेका छन् । योसँगै प्रदेश १ मा कोरोना संक्रमितको संख्या १ हजार ५५३ पुगेको छ । यस्तै, प्रदेश १ मा मंगलबार एक हजार ६८२ जना पीसीआर परीक्षण गरिएको छ ।