प्रदेश १ मा थपिए १२३ जना संक्रमित

भदौ ३, विराटनगर –
प्रदेश १ मा बुधबार १२३ जना संक्रमित थपिएका छन् । जसमध्ये ५२ जना विराटनगरका छन् । विराटनगरमा मात्र ३२ पुरुष र २० महिला गरि ५२ जना संक्रमित थपिएका हुन् ।

पछिल्लो २४ घण्टामा प्रदेश १ मा थपिएका १२३ जना मध्ये ३३ महिला र ९० पुरुष छन् । जसमा मोरङमा ६७, सुनसरीमा ३७, झापामा १६, पाँचथरमा १ र भारत २ जनामा संक्रमण पुष्टि भएको सामाजिक विकास मन्त्रालयले जनाएको छ ।

प्रदेश १ मा कोरोना संक्रमितको संख्या २ हजार ३५५ पुगेको छ । प्रदेश १ मा बुधबार २ जना मात्र डिस्चार्ज भएका छन् । योसँगै प्रदेश १ मा डिस्चार्ज हुनेको संख्या १ हजार १ सय ३५ जना पुगेको छ ।

गएको २४ घण्टामा प्रदेश १ मा १ हजार ९ सय ४१ जनाको पीसीआर परीक्षण गरिएको छ । हाल सम्म ७२ हजार ४६ जनाको पीसीआर परक्षिण गरिएको सामाजिक विकास मन्त्रालयले जनाएको छ ।