भदौ ७, काठमाडौँ –
कोरोना भाईरसको महामारीका कारण बिश्वका सबैजसो देश प्रभावित बनेका छन् । नेपालमा पनि कोरोना भाईरसका कारण गत चैत्र महिना देखि शैक्षिक संस्थाहरु बन्द भएका छन । लामो समयसम्म चलेको लकडाउन र त्यसपछि पनि महामारीको अवस्थालाई मध्यनजर गर्दै सरकारले शैक्षिक संस्थाहरु नखोल्ने निर्णय गरेको कारण शैक्षिक गतिबिधिहरु स्थगित हुनुका साथै वार्षिक कार्यतालिकामै असर पुगेको छ ।
उच्च शिक्षाका सन्दर्भमा अन्य बिश्वबिद्यालयहरु अन्योलको स्थितिमा रहदा पनि काठमाडौँ बिश्वबिध्यालयले आफुलाई फरक रुपमा उभ्याउन सफल भएको छ्र । हिउँदे सेमेस्टरको अन्तिम परिक्षा अनलाइन माध्यमबाट लिएर काठमाडौँ बिश्वबिध्यालयले भने अर्को सेमेस्टरका कक्षाहरु पनि अनलाइन माध्यमबाट नै संचालन गर्दै आएको छ्र । खासगरी केन्द्रिय हाताभित्र रहेका स्कुल अफ साइन्स र स्कुल अफ इन्जिनियरिंगले सम्पूर्ण विद्यार्र्थीहरुलाई इन्टरनेटको पहुँच भित्र राख्नको निम्ति डाटा प्याकहरु बाँडेको र दुर्तगतिमा कक्षाहरु संचालन भइरहेको खबर प्राप्त भएको छ ।
तर अनलाइन माध्यमबाट पठनपाठन संचालन गर्दा स्वतरुपमा त्यसका केहि सिमितताहरु रहने र बिश्वबिद्यालयले ती सिमिततालाई बेवास्ता गर्नाले विद्यार्थीहरुले मानसिक दबाब झेल्नुपरेको अखिल नेपाल राष्ट्रिय स्वतन्त्र विद्यार्थी युनियन अनेरास्ववियू काठमाडौँ बिश्वबिद्यालय केन्द्रिय क्याम्पस कमिटिका सह संयोजक सजोल भण्डारीले जानकारी दिए । उनका अनुसार बिश्वबिद्यालयले देखिएका समस्याको समाधान गरेर अगाडी बढ्नुको सट्टा १५ दिनभित्र नै नयाँ सेमेस्टरको शुल्क तिर्न ताकेता गरेर विद्यार्थीको मर्कामा उदासिन देखिएकाले आन्दोलनको विकल्प नभएको बताए ।
त्यस्तै अनेरास्ववियू काठमाडौँ बिश्वबिद्यालय केन्द्रिय क्याम्पस कमिटिका संयोजक रोचक गौतमका अनुसार देशका विभिन्न जिल्लामा निषेधाज्ञा जारी गरिएको परिस्थिति र नेपाल सरकारबाट पनि शैक्षिक संस्थाहरुबाट अहिलेको अवस्थामा शुल्क नउठाउने निर्देशन आएका बेला काठमाडौँ बिश्वबिध्यालयले शुल्क उठाउन हतार गर्नु निन्दनीय रहेको जनाएका छन् । त्यसैकारण अनेरास्ववियूको बिशेष पहलबाट अन्य सबै क्रियाशील विद्यार्थी संगठनहरुको सहमतिमा भाद्र १ गतेका दिन ४८ घन्टे अल्टिमेटमका साथ संयुक्त बिज्ञप्ति जारी गरिएको र त्यसकै फलस्वरुप भाद्र ४ गते अर्को संयुक्त बिज्ञप्ति जारी गर्दै आन्दोलनका कार्यक्रमहरु घोषणा गरिएको संयोजक गौतमले जानकारी दिए । उनका अनुसार पहिलो चरणमा भाद्र ५ गते पहिलो चरणमा विद्यार्र्थीका समस्याका बिषयमा डिनसँग साथै विद्यार्र्थी कल्याणकारी परिषद्का सहायक निर्देशकको उपस्थितिमा खुल्ला छलफल गरिएको छ्र । यस कदमलाई सकारात्मक रुपमा लिएको भए पनि समस्या ठोस रुपमा सम्बोधन नहुदा सम्मका लागि आन्दोलनका कार्यक्रमहरु जारी नै रहने छ ।
अनेरास्ववियू काठमाडौँ बिश्वबिद्यालयकै अर्का नेता सुमन राज पौडेलले अनेरास्वविययू विद्यार्र्थीको हकहितका निम्ति सँधै अग्रमोर्चामा रहेर लडिरहेको र विद्यार्र्थीका साझा समस्याको समाधानका निम्ति अन्य विद्यार्र्थी संगठनसंगको सहकार्यमा पनि बिशेष ध्यान पुर्याउदै अघि बढ्दै आहिरहेको बताए ।
शुल्क उठानको मुद्धा मात्रै नभएर अनेरास्ववियू काठमाडौँ बिश्वबिद्यालयले अन्य धेरै समस्याहरुको सम्बोधनका निम्ति बारम्बार बिश्वबिद्यालय प्रशासनसंग छलफलमा जुटेको र विद्यार्र्थीको समस्या सम्बोधनका निम्ति जस्तोसुकै अफ्ठ्यारो परिस्थितिको सामना गर्न तयार रहेको प्रतिबद्धता जाहेर गरेको छ ।
