भदौ ७ –
यूइएफए च्याम्पियन्स लिग फुटबलको फाइनल खेल आइतबार राति (आज राती ) हुँदैछ। फाइनलमा दुई ठुला क्लब पेरिअ सेन्ट जर्मेन (पीएसजी) र बार्यन म्युनिखबिछ हुँदैछ ।
नेपाली समय अनुसार राती १२:४५ बजे खेल सुरु हुनेछ । पाँच पटकपटकको च्याम्पियन बार्यन र पहिलो पटक च्याम्पियन बन्ने दाउमा रहेको पीएसजी बिचको खेला रोमाञ्चक हुने अनुमान छ ।
रोवर्ट लिवानडोस्की, फिलिपे कोटिन्हो, थोमस मुलर, म्यानुअल न्युअर, लिरो साने, डेभिड अलाबा, जेरोमी बोट्याङ, अलफन्सो डेभिसजस्ता खेलाडी समावेश रहेको बार्यनले नेमार जुनियर, केलिएन एबाप्पे, डि मारिया, थियागो सिल्भा, केलोर नाभास, मार्को भेराटी, माउरो इकार्डी, माक्विनहोसजस्ता समावेश रहेको पीएसजीको सामना गर्दैछ।
बार्यनले यसपटक क्वार्टर फाइनलमा बलियो क्लब बार्सिलोनालाई ८–२ ले पराजित गरेर सनसनी मच्चाएको थियो। त्यस्तै, फाइनल पुग्नलाई बार्यनले लियोनमाथि ३–० को जित निकालेको थियो।
यता पीएसजीले पनि फाइनलमा पुग्न आरबी लिपजिगमाथि ३–० को जित हात पारेको थियो।
आजको खेल निकै आक्रमक र रोमान्चक हुने अनुमान गरिएको छ। इतिहास हेर्दा बार्यन बलियो देखिन्छ तर पछिल्लो समय पीएसजी घरेलु लिगको च्याम्पियन लगातार जस्तो बन्दै आएको छ।
पीएसजी पहिलोपटक च्याम्पियन्स लिगको फाइनलमा पुगेको हो भने बार्यनले ११ औं फाइनल खेल्न लागेको हो।
