लामो समयदेखि स्थगित नेकपा स्थायी समिति बैठक आज बस्दै

भदौ २६, काठमाडौँ –
लामो समयदेखि स्थगित रहेको सत्तारुढ नेपाल कम्युनिष्ट पार्टी नेकपाको स्थायी कमिटि बैठक आज (शुक्रबार) बस्दै छ। बैठक बिहान ११ बजे प्रधानमन्त्रीको सरकारी निवास बालुवाटारमा बस्ने छ।

आन्तरिक खिचातानीका कारण पटक–पटक बस्दै र स्थगीत हुँदै आएको स्थायी कमिटि बैठक अन्तिम पटक गएको साउन १३ गते बसेको थियो।

त्यसयता पार्टीका विवाद समाधानका लागि महासचिव विष्णु पौडेलको नेतृत्वमा गठित कार्यदलले बुझाएको प्रतिवेदनका आधारमा निकास खोज्ने प्रयास अध्यक्षद्वय केपी शर्मा ओली र पुष्पकमल दाहाल प्रचण्डले गरेका छन् ।

कार्यदलको प्रतिवेदन अनुसार ओलीले पाँचै वर्ष सरकारको नेतृत्व गर्ने र दाहाल पार्टीको कार्यकारी अध्यक्षको भूमिकामा रहने भएका छन्।

नेकपाले स्थायी कमिटि बैठकको समापन पनि आजै गर्ने तयारी गरेको छ।