असोज १ –
संविधान दिवसको अवसरमा नेपाल टेलिकमले ५५ रुपैयाँमा ३ दिन अनलिमिटेड युट्युब प्याकेज दिने भएको छ । टेलिकमले संविधान दिवसको अवसरमा असोज २, ३ र ४ गते अनलिमिटेड युट्युब प्याकेज दिने भएको हो ।
त्यस्तै, टेलिकमले५५ रुपैयाँमै अनलिमिटेड फेसबुक प्याक समेत दिने भएको छ । साथै अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले एड–अन प्याकको रुपमा १५ रुपैयाँमा एक जीबी डाटा प्याक खरिद गरी डाटा प्रयोग गर्न सकिने सुविधासमेत उपलब्ध हुनेछ । यो प्याक पनि खरिद गरेको मितिदेखि तीन दिनसम्म प्रयोग गर्न सकिनेछ ।
अहिले समर अफर अन्तर्गत २८ दिनको समयावधि हुने दैनिक एक जीबी डाटा प्याक आठ सय ५० रुपैयाँमा उपलब्ध भइरहेकोमा संविधान दिवसको अवसरमा यो प्याक पाँच सय ५५ रुपैयाँमा उपलब्ध हुनेछ ।
संविधान दिवसका अवसरमा उपलब्ध अफरहरु *1415*11# डायल गरी प्राप्त गर्न सकिन्छ ।
