सक्रिय संक्रमित २५ हजार पुगे पुनः लकडाउन

असोज ७, काठमाडौ –
कोरोना भाइरसका सक्रिय संक्रमितको संख्या २५ हजार पुगेपछि पुनः लकडाउन गर्न स्वास्थ्य तथा जनसंख्या मन्त्रालयले सिफारिस गरेको छ।

बुधबार नियमित मिडिया ब्रिफिङमा मन्त्रालयका प्रवक्ता डा. जागेश्वर गौतमले दिएको जानकारी अनुसार आज बिहान बसेको स्वास्थ्य मन्त्रालयअन्तर्गतको इन्सिडेन्ट कमाण्ड सिस्टमको बैठकले २५ हजार सक्रिय संक्रमित पुगेपछि बन्दाबन्दी गर्न सिफारिस गर्ने निर्णय गरेको हो। बुधबारसम्म देशभर सक्रिय संक्रमितको संख्या १७ हजार ४१४ छ।

२५ हजार भन्दा धेरै संक्रमित हुँदा पूर्वाधार व्यवस्थापनमा समस्या हुने भन्दै यस्तो निर्णय गरिएको उनले बताए।