असोज ८ –
विश्वभर कोरोना भाइरस सँक्रमितको सँख्या ३ करोड २० लाख नाघेको छ । पछिल्लो २४ घण्टामा विश्वभर ३ लाख १४ हजार नयाँ सँक्रमित थपिएपछी सँक्रमितको सँख्या ३ करोड २० लाख ९० हजार नाघेको वल्डोमिटर्सको तथ्यांकले देखाएको छ ।
यस्तै,कोरोना भाइरसबाट मृत्यु हुनेको सँख्या १० लाख नजिक पुगेको छ । पछिल्लो २४ घण्टामा विश्वभर ६ हजार ३२२ जनाको मृत्यु भएपछि विश्वभर मृत्यु हुनेकोे सँख्या ९ लाख ८१ हजार ९२३ पुगेको हो । पछिल्लो २४ घण्टामा सबैभन्दा धेरै अमेरिकामा १ हजार ११२, भारतमा १ हजार १५२, ब्राजिलमा ९०६, मेक्सिकोमा ६५१, अर्जेन्टिनामा ४२४, ईरानमा १८४ र कोलम्बियामा १७६ जनाको ज्यान गएको छ ।
साथै कोेरोनालाई जित्नेको सँख्या २ करोड ३६ लाख ७४ हजार ४४ पुगेको छ भने सक्रीय सँक्रमितको सँख्या ७४ लाख ४३ हजार १८१ जना रहेको वल्डोमिटर्सले जनाएको छ । जसमध्ये १ प्रतिशत अर्थात ६२ हजार ३७६ जना गम्भिर प्रकृतिका सँक्रमित रहेका छन् ।
