असोज ९, विराटनगर –
नेपाल वैश्य युवा संघ मोरङले रामलखन जयसवालको आश्विन ३ गते राति भएको शंकास्पद मृत्युको निष्पक्ष छानविन गरि दोषीमाथी कार्यवाही गर्न जिल्ला प्रशासन कार्यालय मोरङ मार्फत प्रधानमन्त्रीलाई ज्ञापन पत्र बुझाएको छ ।
नेपाल वैश्य युवा संघ मोरङ्गका पदाधिकारी सदस्यहरुले सहायक प्रमुख जिल्ला अधिकारी मुकेश कुमार केशरीलाई ज्ञापन पत्र बुझाएको छ । तत्कालिन वडा अध्यक्ष समेत रहेका रुपन्देही सिद्धार्थ नगरपालिका ५ का रामलखन जयसवाल ज्यान मुद्दाको आरोपमा आठ वर्षदेखी केन्द्रिय कारागार सुन्धारामा जेल जीवन विताइ रहेका थिए । अगामी असोज २२ गते जेल सजायबाट मुक्त हुने जयसवाललाई एकाएक असोज ३ गते बिरामी भएको भन्दै अस्पताल लगेको र शंकास्पद मृत्यु भएको भन्दै शव व्यवस्थापनको तयारी गरिएको थियो । शंकाष्पद मृत्यु भएकोले कोरोना हुन सक्ने आशंकामा मृत शरिरलाई छोपेर राखेको थियो । तर, मृतक जयसवालकी छोरीलाई शंका लाग्दा जबरजस्ती हेरेपछि मृत शरिरको अनुहार चिरफार र अंगभंग गरिएको अवस्थामा देखियो । कोरोना हुन सक्ने भन्दै विर अस्पतालले शरिरवाट आखाँ चोरेको आरोप लगाएपछि घटना वाहिर आएको छ । घटनको प्रकृती हेर्दा शंकाष्पद रहेको भन्दै नेपाल वैश्य युवा संघ मोरङ्गका जिल्ला अध्यक्ष गणेश कुमार साह, उपाध्यक्ष दिपेन्द्र कुमार स्वर्णकार, सदस्य सन्जय सोनि, भोला साह, सल्लाहकार सन्तोष साह, अखिल पिछडा वर्ग मोरङ्ग अध्यक्ष जयप्रकाश महतो तथा गङ्गा साह लगायतले जिल्ला प्रशासन कार्यालय मोरङ्ग मार्फत प्रधानमन्त्रीलाई ज्ञापन पत्र बुझाउदै निष्पक्ष छानबिन गरी दोषी उपर कारवाही गर्नुपर्ने मांग गरेका छन् ।
यता नेपाल वैश्य युवा संघले तराई मधेशका विभिन्न जिल्लाहरुवाट प्रधानमन्त्रीलाई ज्ञापन पत्र बुझाउदै घटनाको निषपक्ष छानविन गर्न मांग गरेको छ । संघका राष्ट्रिय अध्यक्ष दिलीप चन्द साहुले असोज २२ गते कारागार मुक्त हुने बेलामा जसवाललाई नियोजित रुपमा मारेको भन्दैं छानबिन र दोषी माथि कार्वाही नभए आन्दोलन गर्ने चेतावनी समेत दिएका छन । हिपमतबाट
