असोज ११, काठमाडौ – नेपालमा आज (आइतबार) थप १ हजार ५७३ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या ७३ हजार ३९४ पुगेको छ ।
पछिल्लो २४ घण्टामा देशभरका प्रयोगशालाहरुमा १० हजार १२३ जनाको पीसीआर परीक्षण गरिएको छ । योसँगै आजसम्म नेपालमा ९ लाख ८८ हजार ३२७ जनाको पीसीआर परीक्षण गरिएको छ ।
पछिल्लो २४ घण्टामा देशभर ८८५ जना डिस्चार्ज भएका छन् । योसँगै हालसम्म ५३ हजार ८९८ जना डिस्चार्ज भएका छन् । हाल देशभर सक्रिय संक्रमितको संख्या १९ हजार १९ रहेको छ । त्यस्तै डिस्चार्ज हुने दर भने ७३ दशमलव ४ प्रतिशत रहेको छ ।
यस्तै नेपालमा कोरोना भाइरस संक्रमणबाट थप १० जनाको मृत्यु भएको छ । स्वास्थ्य तथा जनसंख्या मन्त्रालयका अनुसार १ महिला र ९ जना पुरुषको कोरोनाबाट मृत्यु भएको हो ।
यस्तै, देशभरका संस्थागत आइसोलेसन ८ हजार ३२१ जना र होम आइसोलेसनमा १० हजार ६९८ जना रहेका छन् । आजसम्म देशभर ६ हजार २८१ जना क्वारेन्टिनमा रहेका छन् ।
देशभर ३३ कोरोना संक्रमितको भेन्टिलेटरमा उपचार भइरहको छ । देशभर २२५ जना आईसीयूमा राखेर उपचार भइरहेको छ ।
