१३५१ नयाँ संक्रमित थपिए, यस्तो छ अन्य अपडेट

असोज १२, काठमाडौ –
नेपालमा आज थप १ हजार ३५१ जना कोरोना भाइरस संक्रमित थपिएका छन् । योसँगै नेपालमा कोरोना भाइरस संक्रमित पुष्टि हुनेको संख्या ७४ हजार ७४५ पुगेको छ ।

यस्तै, ७४२ जना संक्रमित निको भएर घर फर्केका छन्। योसँगै निको हुनेको सङ्ख्या ४४ हजार ६४० पुगेको छ। जुन कुल संक्रमितमध्ये ७३.१ प्रतिशत हो ।

स्वास्थ्य मन्त्रालयका अनुसार पछिल्लो २४ घण्टामा ४ जनाको कोरोना संक्रमणबाट मृत्यु भएको छ । २ जना महिला र २ जना पुरुष गरि ४ जनाको कोरोना संक्रमणबाट मृत्यु भएको छ ।

स्वास्थ्य मन्त्रालयका अनुसार हाल सक्रिय सङ्क्रमितको सङ्ख्या १९ हजार ६२४ रहेको छ । यस्तै, ६ हजार ३१० क्वारेन्टिनमा रहेका छन् ।

नेपालमा हाल आइसीयुमा उपचाररत बिरामीको सङ्ख्या २२५ रहेको छ भने भेन्टिलेटरमा उपचाररत ३१ जना रहेका छन्।