असोज १६ –
युएईमा जारी १३ औं संस्करणको इन्डियन प्रीमियर लिग ( आईपिएल) मा गएराती भएको खेलम मुम्बाई इन्डियन्सले किङ्स इलाभेन पञ्जावलाई पराजित गरेको छ । बिहिवार राती आबुधाबीमा भएको खेलमा मुम्बाईले पञ्जावलाई ४८ रनले पराजित गरेको हो ।
टस जितेर फिल्डिङ रोजेको पञ्जावले १९२ रनको लक्ष पाएको थियो। लक्ष पछ्याउने क्रममा निर्धारित ८ विकेट गुमाउँदै १४३ रनमात्र बनाउन सकेपछि मुम्बई ४८ रनले बिजयी भएको हो। पञ्जावका लागि निकोलस पुरनले ४४, मयंक अग्रवालले २५, किस्नापा गौथमले २२ रन तथा कप्तान केएल राहुलले १७ रन बनाउनुबाहेक अन्य खेलाडीले राम्रो रन बनाउन नसकेपछि मुम्बईसँग हार बेहोर्नुपर्यो । मुम्बईका लागि राहुल चाहार, जस्मित भुम्राजा र जेम्स पाटिन्सनले २/२ विकेट लिए भने ट्रेन्ट बोल्ट र क्रुनाल पान्डेले १/१ विकेट हात पारे ।
यसअघि पहिले ब्याटिङ गरेको मुम्बाईले भने निर्धारित २० ओभरमा ४ विकेट गुमाउँदै १९१ रन बनायो। उसका लागि कप्तान रोहित शर्माले ७० रनको अर्धसतकिया पारी खेले । त्यस्तै, किरन पोलार्डले ४७, हार्दिक पान्डेले ३० तथा इसान किसनले २८ बनाएपछि मुबाईले १९२ रनको लक्ष दिएको थियो । पञ्जावका लागि मोहम्मद शामी, सेल्डोन कोट्रेल र किस्नाप्पा गौथमले समान १/१ विकेट लिए ।
जितसँगै मुम्बाई ४ खेलबाट २ मा जित र २ मा हार बेहोर्दै तालिकाको सिर्ष स्थानमा उक्लिएको छ । ४ खेलबाट १ खेल मात्र जित निकालेको पञ्जाव भने तालिकाको छैटौं नम्बरमा छ ।
