असोज २५, काठमाडौ –
काठमाण्डौ विश्व विद्यलयले समयमै शुल्क बुझाउनेलाई छुट दिने भएको छ । विश्वविद्यालयले कार्तिक ३० सम्म शुल्क बुझाए १० प्रतिशत छुट र मंसिर १५ सम्म बुझाए ७ प्रतिशत छुट दिने निर्णय गरेको छ । तर विश्वविद्यालयको यो निर्णयप्रति विद्यार्थीहरुले भने असन्तुष्टि देखाएका छन् ।
विश्वविद्यालयले महामारीको विकराल अवस्थामा पहिले पनि शुल्क बुझाउन ताकेता गरेको सुचना बारे पटक पटक समस्या देखिदै आएको अवस्थामा अहिले पनि त्यस्तै किसिमको सुचना प्रकाशन गरेको छ । प्रयोगशाला, क्याम्पस संरचना, विजुली, लाइब्रेरी, खेल मैदान लगायत कुनै पनी कुराकाे प्रयाेग नभएकाे अवस्थामा पनि विश्वविद्यालयले विद्यार्थीहरु बाट फी बाहेक अरु शुल्क उठाउन खोज्नु वैज्ञानिक नभएको भन्दै विद्यार्थीहरु आन्दोलित भएका छन्।
केयूमा अध्ययनरत विद्यार्थीहरुले पनि एक विज्ञप्ति मार्फत आफ्ना असन्तुष्टिहरु सार्वजनिक गरेका छन्। शुल्क भुक्तानीको सुचनालाई तत्काल सच्याउन माग गर्दै केयूको विज्ञा संकायमा अध्ययनरत विद्यार्थीहरुले नैतिक समर्थन सार्वजनिक गरेका छन्।
आम विद्यार्थीहरुले उठाएकाे आवाजलाई बेवास्ता गर्दै बिना छलफल, बिना वार्ता, काठमाडाैँ विश्वविद्यालयकाे दुई स्कुलहरूलाई मात्र छुट भनेर प्रकाशित गरेको सुचनाले गलत प्रवृत्तीलाइ बडवा दिइरहेकाे छ। उत्त सुचनालाई तुरून्त सच्याएर छलफल र वार्ताका माध्यमबाट, समायनुकुल, वैज्ञानिक र प्रवधि मैत्री हिसावले का.वि.वि का सबै स्कुलहरूलाई लागु हुने गरी शुल्क निर्धारण गर्न विश्वविद्यालय प्रशासन लाई काठमाण्डौ विश्वविद्यालयको हरेक क्लबहरुले ध्यनाकर्षण समेत गराएको छ । विध्यार्थीहरूले भने वैज्ञानिक र तथ्यका आधारमा शुल्क तिर्ने भन्ने बटमलाइन राखेका छन् ।
केयूले प्रकाशन गरेको सूचनाको बारेमा बोल्दै काठमाण्डौ विश्वविद्यालयका एक विद्यार्थीले कोरोना भाइरसको महामारीको समयमा सिक्ने र सिकाउने विषयलाई प्रथामिकता दिने भन्दा पनि शुल्क भुक्तानीलाई मुख्य प्राथमिकता दिएको प्रति आपति जनाएका छन् । उनले भने, ‘विश्वविद्यालय व्यापारिक केन्द्र बनेको र छुटको अफर दिएर विश्वविद्यालयले विद्यार्थीहरुलाई मानसिक दबाब दिन खोजेको छ। यो सूचना रत्नपार्क को जूता पसलमा प्रयोग गरिने विज्ञापन भन्दा कम छैन ।’
काठमाडौं विश्वविद्यालयका कुनै पनि विद्यार्थीले विश्वविद्यालयको भौतिक सम्पत्ति, प्रयाेगशाला, लाइब्रेरी, खेल मैदान, बिजुली, इन्टरनेट, शैक्षिक भ्रमण लगायत कुनैपनी कुराकाे प्रयाेग नगरेको अवस्थाम ट्युसन फी बाहेक अरु फी नदिने अडानमा रहेको विद्यार्थीहरु बताउँछन् ।
